Luana Vjollca prej vitesh është në një lidhje dashurie me biznesmenin kosovar Krenar Çoçaj, megjithëse asnjëri prej tyre nuk e ka konfirmuar ende publikisht. Duke qenë se ata nuk preferojnë që ta bëjnë publike lidhjen e tyre kurioziteti i fansave rreth tyre është akoma më i madh.
Në jo pak raste dyshja e njohur është kapur mat nga paparacët, por pavarësisht kësaj ata ende nuk e kanë pranuar publikisht lidhjen e tyre. Mirëpo një koment i lënë nga Krenari në një nga foto e Luanës nuk lë më vend për dyshime dhe mund të themi me plotë gojë se ata janë bashkë dhe më të dashuruar se kurrë më parë.
“S’ka më të bukur se kaq. Ëmbëlsira ime”, shkruan Krenari në foton ku Luana shfaqet si engjëll me filtrat e Snapchat-it.
Menjëherë pas këtij komenti të Krenarit me dhjetëra kanë qenë fansat e Luanës, të cilët kanë replikuar për këtë gjest romantik të të dashurit të saj.
Mirëpo për çudinë e të gjithëve Luana në orët e para të mëngjesit të sotëm është siguruar që ta fshijë këtë foto nga profili i saj në Instagram. Nuk e dimë nëse ky ishte një reagim ndaj komentit të Krenarit, apo ndaj replikave të fansave.
