Ajo ka realizuar shumë poza për koverat e revistave përgjatë viteve, madje edhe duke i vënë emrin një kënge sipas revistës.
Por tani Madonna është tërhequr nga fotot e saj të njohur provokative, pasi zgjodhi të pozonte me një vështrim si të përhumbur ndërsa mban gishtin në gojë, për koverin e revistës “LOVE”.
Ndërsa shfaqet në revistën britanike me djalin e saj Rocco, ikona 58-vjeçarja lë mënjanë veshjet e saj chic unike për këtë imazh, ku pozon me një bluzë me kapuç para fotografit Mert Alas.
Ndërsa ka një paraqitje natyrale, këngëtarja pozon e shtrirë mbi një jastëk të bardhë. Intervista e quajtur 2:00AM by Mert Alas erdhi në dritë pasi kryeredaktorja Katie Grand u frymëzua nga deklarata publike e yllit të muzikës për djalin e saj Rocco, gjatë turneut të saj.
Madonna nuk ngurroi që të shprehte atë që ndjente. Mbretëresha e muzikës pop, e cila festoi dje 58-vjetorin, kritikoi disa personazhe të famshëm të cilët fokusohen më shumë tek fama sesa tek të bërit një punë të mirë për të qenë artistë revolucionar.
Këngëtarja duket se po punon me një projekt sekret me djalin e saj 16-vjeçar, Rocco Ritche. Në intervistën e dhënë, këngëtarja shprehu mendimet e saj për moshën e rrjeteve sociale, duke deklaruar: “Unë nuk e konsideroj veten një yll “pop”-i, por e konsideroj veten një artiste. Dhe është përgjegjësia e një artisti të jetë revolucionar në punën e tij. Është përgjegjësia jonë, detyra jonë dhe privilegji jonë. Për mendimin tim njerëzit janë më shumë të fokusuar tek fama sesa të bërit punë apo të qenurit artistë”.
Ky numë i mbështetur nga Marc Jacobs do të publikohet gjatë Javës së Modës në Londër, më 19 shtator.
*Shfleto galerinë
Burimi: Daily Mail
