Kourtney Kardashian ka vendosur të shkojë “nën brez” me produktin më të ri të linjës së saj të suplementeve “Lemme” – dhe jo, nuk është një produkt i zakonshëm. Këtë herë, ylli i reality show-t ka lançuar “Lemme Purr”, një lollipop me probiotikë dhe vitaminë C që mbështet shëndetin vaginal të grave.
Sipas TMZ, karamelet e reja janë krijuar për të ndihmuar ekuilibrin e florës vaginale, për të parandaluar infeksionet urinare dhe për të ruajtur një sistem intim të shëndetshëm. Kourtney ka nënshkruar një marrëveshje me Target, ku produkti do të shitet në paketime me nga pesë copa për 6.99 dollarë.
Lollipops-at kanë shije ananasi dhe, siç thotë vetë Kourtney, janë mënyra më e ëmbël për ta kthyer kujdesin e përditshëm për veten në një ritual të këndshëm. “Lemme Purr Lollipops e kthejnë kujdesin për veten në diçka të thjeshtë, të ëmbël dhe të përditshme,” – shprehet ajo në deklaratën për shtyp.
Linja Lemme e Kourtney-t është e njohur për suplementet e saj në formë gummies që synojnë fusha të ndryshme të mirëqenies si gjumë, tretje, metabolizëm, intimitet dhe shëndet vaginal. Me “Lemme Purr”, ajo sjell në treg një formë unike të probiotikëve, që për herë të parë vjen si karamele me shkopth.
Produktet e “Lemme” janë shndërruar në një hit të menjëhershëm në SHBA, duke kombinuar përkujdesjen për shëndetin me marketingun modern dhe estetikën karakteristike të Kourtney Kardashian. Me këtë lançim të fundit, ajo konfirmon edhe një herë aftësinë e saj për të bërë zhurmë në tregun e bukurisë dhe wellness-it.
