Kourtney Kardashian dhe Travis Barker përfituan nga nata e ndarjes së çmimeve në “Grammy” dhe u ‘arratisën’ për t’u martuan në një kishë në Los Angeles rreth orës 1:30 të mëngjesit.
Njerëzit që ndodheshin në ceremoninë e tyre thanë për “TMZ” se Kardashian dhe Barker nuk e lejuan stafin e kishës të bënin fotografi dhe në vend të tyre çifti kishte një fotograf personal.
Ylli i “Keeping Up With the Kardashians” dhe bateristi i “Blink-182” thuhet se kërkuan një imitues të Elvis Presley-t për të drejtuar ceremoninë.
Megjithatë, kjo nuk do të jetë dasma e vetme e ‘zogjve’ të dashuruar. Sipas “TMZ” do të ketë disa ceremoni të tjera, me shumë bujë.
Kujtojmë se muzikanti i propozoi Kourtney-t në hotelin Rosewood Miramar Beach i rrethuar nga trëndafila të kuq dhe qirinj të bardhë.
Ai kishte veshur një këmishë me vija bardh e zi dhe pantallona të errëta, ndërsa Kardashian kishte veshur një fustan të zi.
Kjo është martesa e parë e themelueses së “Poosh”, megjithëse ajo ka tre fëmijë me ish të dashurin Scott Disick: Mason, 12, Penelope, 9 dhe Reign, 7.
Ndërkohë, i dashuri i saj rocker ka qenë i martuar dy herë më parë: me Melissa Kennedy nga 2001 në 2002 dhe Shanna Moakler nga 2004 në 2008. Ai ka djalin Landon, 18 vjeç dhe vajzën Alabama, 16, me Moakler.
