Të rinjtë shqiptarë mbahen si një popull shumë i dhënë pas argëtimit dhe jetës sociale, por vendi i tyre duket se nuk u ofron këto kushte.
“Monitor” ka publikuar të dhënat e “Eurostat” për vitin 2016, ku vendet e BE-së shpenzuan mesatarisht 1% të PBB-së për argëtimin dhe kulturën, ndërsa sipas të dhënave të INSTAT, Shqipëria shpenzoi vetëm 0.4% të PBB-së për të njëjtin sektor.
Sipas “Eurostat” shpenzimet totale për çështjet e argëtimit dhe kulturës në BE shkojnë për objektet kulturore, lehtësira për shërbimet fetare dhe të tjera si: bibliotekat, muzetë, teatrot, shërbimet e transmetimit.
Në vitin 2016, shtetet anëtare me shpenzimet më të larta në sektorin e argëtimit dhe të kulturës në raport me PBB-në ishin: Hungaria (3.3%), Estonia (2.1%), Kroacia dhe Danimarka (1.8%). Në krahun tjetër Shqipëria me 0.4%, Mbretëria e Bashkuar (0.5%), Mbretëria e Bashkuar (0.6%), pasuar nga Greqia, Italia dhe Portugalia (të gjitha 0.8%), ishin vendet me shpenzimet më të ulëta në këtë zë.
Bazuar te të dhënat, Shqipëria ka mundësi të kufizuara të burimeve buxhetore në krahasim me vendet të tjera europiane, në sektorin e kulturës dhe të argëtimeve.
Burimi: Monitor
