Kosova ka fituar katër medalje në Kampionatin Evropian të xhudos që u mbajt në Montpellier të Francës. Një medalje prej argjendi dhe tre prej bronzi ishte bilanci i Kosovës në këtë kampionat, ku mori pjesë me gjashtë garues.
Festa e medaljeve filloi të premten kur fillimisht Distria Krasniqi, fitoi medalje të argjendtë në kategorinë deri 52 kilogramë, ku ishte bartëse e parë. Në finale u mposht nga francezja Amandine Buchard, që ishte bartësja e dytë dhe medalistja olimpike, botërore e evropiane.
Pas saj të premten fitoi medalje prej bronzi Nora Gjakova. Për medaljen prej bronzi, Nora mposhti gjermanen Seija Ballhaus ku fitoi me Ippon në kohën shtesë. Dy mendalje të tjera prej bronzi u morën të shtunën, ku shkëlqyen Laura Fazliu dhe Akil Gjakova.
Laura në luftë për medaljen e bronztë mposhti portugezen Timo Barbara, ku realizoi hedhje tjetër të bukur për fitore me Ippon. Akil Gjakova është kthyer të medalja evropiane, ku ishte kampion evropian në vitin 2021.
Në luftën për medalje të bronztë Akili kishte përballë legjendën e xhudos botërore, Lasha Shavdatuashvili. Akili fitoi me një hedhje të bukur në kohën shtesë. Flaka Loxha dhe Loriana Kuka nuk arritën të fitonin medalje në këtë Kampionat Evropian. Kosova ka 23 medalje në Kampionatet Evropiane për seniorë.
