Kosova ka marrë vendimin për masa të reja kufizuese me qëllim ndalimin e përhapjes së mëtejshme të pandemisë Covid-19. Në mbledhjen e sotme të qeverisë janë votuar masat e reja anti-Covid, ndërsa ministri i Shëndetësisë Arben Vitia ka bërë me dije se masat do të hyjnë në fuqi nga data 7 prill dhe do të rishikohen sërish në 8 prill.
Vendi do të jetë i mbyllur nga ora 22:00 deri në 05:00, dhe gjatë këtij orari do të lejohet lëvizja vetëm për emregjenca shëndetësore.
Baret dhe restorantet do të jenë të mbyllura dhe do iu lejohet të punojnë vetëm me shërbimet “merr me vete”, “dërgesë me porosi” apo marrjes së porosive pa u larguar nga makinat.
Të vetmet aktivitete që do të qëndrojnë hapur janë marketet, farmacitë dhe furrat e bukës.
Institucionet e arsimit parashkollor do të vazhdojnë njëlloj aktivitetin, ndërsa provimet mund të mbahen duke respektuar masat kufizuese dhe distancën duke u ndarë në grupe me 10 persona.
Nga data 7 deri në 18 prill konviktet dhe mensat do të jenë të mbyllura.
Lidhur me këtë lajm ka reaguar i revoltuar, reperi shqiptar Gold Ag, i cili e ka lidhur mbylljen e vendit me fillimin e muajit të Ramazanit, muajin e agjërimit për besimtarët myslimanë.
”Si t’vjen Ramazani virusi egërsohet interesant. O ja çelne krejt ose mshelne krejt se na keni lodhë”, ka shkruar reperi në një postim në InstaStory.
