Sot Kosova feston 10-vjetorin e Pavarësisë dhe shqiptarët do të mblidhen për këtë ditë të veçantë.
Këto 10 vite shtet më vete kanë qenë një sfidë për të shtuar njohjen ndërkombëtare të Kosovës, por edhe për të ndërtuar institucionet e shtetit më të ri në botë.
Kosova është përballur me sfidat për ta çuar atë në të tjera nivele dhe për ta integruar në familjen europiane.
Sot në Prishtinë dhe jo vetëm, ka festë.
Ndryshimi kryesor është ai i obeliskut të “NEWBORN”, i vendosur para Pallatit të Rinisë dhe Sporteve në Prishtinë, i cili ka marrë një pamje të re.
Tashmë është bërë traditë që në përvjetorët e pavarësisë, ky simbol i shpalljes së pavarësisë të ndryshojë.
Ai tani ka vetëm germat “NEW 10OR”.
Një tjetër kujtim që i është shtuar është edhe “Kosova10”.
