Korriku do të jetë muaji më i rrezikshëm sa i përket COVID-19, dhe së shpejti do të hapet spitali Covid 2.
Kështu u shpreh mbrëmë mjeku Skënder Brataj në emisionin “Opinion”, ku tregoi se po vuajmë dëmet e muajit qershor, kur besohet se është shpërndarë virusi pas daljes nga karantina.
Por, a është i gatshëm sistemi shëndetësor ta përballojë situatën me rritjen e numrit të të infektuarve?
“Sistemi është i gatshëm, momentalisht jemi as në 30% të kapaciteteve që kemi. Ne tani kemi efektet e qershorit. Dëmi është bërë, rezultati që kemi tani është dëmi që është shkaktuar nga hapja e menjëhershme. Do të paktën 4 javë, domethënë nga java 0 që ti fillon hap masat, kontaktet, transmetohet virusi dhe ne në këtë periudhe jemi në fillimin e pasojave të qershorit. Kjo javë është në rritje dhe është java që përkon me dëmet e qershorit. Janë Covid 1, Covid 2, Covid 3, Covid 4 që janë që janë rreth 550 shtretër, janë bërë 256 respiratorë. Tani janë të shtruar rreth 84 pacientë të shtruar”, tha Brataj.
Ai u shpreh gjithashtu se nëse Tirana do vazhdojë me baret ngjeshur njëri me tjetrin, qyteti që do jetë transmetim komunitar i hapur dhe detyrimisht që do të kufizohet.
“Mënyra e jetesës do fillojë të kufizohet si në çdo shtet tjetër, nuk ka mënyrë tjetër. Nuk mund të lësh jetën e njerëzve në dorën e aventurierëve. Kështu që në një mënyrë po kërkohet dhe po insistohet me çdo kusht që njerëzit të ndërgjegjësohen që koronavirusi ekziston, infekton, sëmur dhe merr jetë edhe në moshë të re”.
/tvklan.al
