Epidemia vdekjeprurëse Covid-19 ka përhapur panik në mbarë botën.
Dita-ditës shifrat po rriten frikshëm dhe deri tani, në rang global janë regjistruar 528,959 persona të infektuar, ndërsa viktima 23,963.
Bilanci në vendin tonë ka ardhur gjithashtu në rritje.
Deri tani, në Shqipëri janë konfirmuar 176raste me koronavirus, ndërsa 7 persona kanë ndërruar jetë.
Personi i fundit që ndërroi jetë ishte një paciente 85-vjeçare në Spitalin e Infektivit, e cila vuante nga sëmundje të tjera kronike.
Kosovë
Kosova ka shpallur gjendjen e emergjencës kombëtare, ndërsa numri i rasteve të konfirmuara me Covid-19 ka shkuar në 71, ndërkohë një person i moshës 82-vjeçare ka vdekur.
Itali
Italia numëron shifrat më të larta të të infektuarve dhe jetëve të humbura për shkak të Covid-19.
Deri tani, janë konfirmuar 80,589 raste të infektuara, ndërsa 8,215 persona kanë ndërruar jetë.
3,612 persona nga të prekurit janë në gjendje kritike për jetën.
Greqi
Virusi vdekjeprurës ka shënuar plot 26jetë të humbura në Greqi, ndërsa numri total i të infektuarve ka arritur në 892.
53 persona janë në gjendje kritike për jetën dhe janë duke marrë mjekimin e nevojshëm teksa qëndrojnë të izoluar në spital.
SHBA
Në Shtetet e Bashkuara janë shtuar 174 vdekje, duke e çuar në 1,201 numrin e tyre total.
Gjithsej, janë konfirmuar 83,144 raste të infektuara, 2,112 prej të cilëve janë në gjendje kritike për jetën.
Zvicër
Zvicra ka shënuar 38 viktima të reja, ndërsa numri total i jetëve të humbura ka shkuar në 191.
Numërohen 11,811 të prekur deri tani, ndërsa 141 prej tyre kanë shfaqur shenja të rënda të virozës.
Francë
Franca ka konfirmuar 365 vdekje të reja, të cilat e kanë çuar në 1,696 numrin total të tyre.
Raste të infektuara me koronavirusin janë 29,155, ndërsa 3,375 prej tyre janë paraqiur në gjendje të rënduar shëndetësore.
Spanjë
Spanja ka shënuar 718 viktima, ndërsa numri i tyre total ka arritur në 4,365
Gjithsej numërohen 57,786 raste të konfirmuara me koronavirus, ndërsa 3,166 prej tyre kanë rrezikshmëri për jetën. /Iconstyle.al
