14 raste të reja me koronavirus janë regjistruar në 24 orët e fundit në Shqipëri pas testimit të 231 personave të dyshuar me COVID-19, prej të cilëve 35 janë personel shëndetësor.
Deri më tani janë 26 personat që kanë humbur jetën si pasojë e koronavirusit, ndërsa qytetet me më shumë raste të prekurish janë Tirana dhe Shkodra.
Nga rastet e reja 7 i përkasin Krujës, 5 raste në Tiranë, 2 raste në Shkodër. Deri në këto momente janë testuar 5542 raste të dyshuara dhe prej tyre janë të konfirmuar pozitivë me COVID-19, 562 raste, pra rreth 10% e të gjithë të testuarve.
Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 314.
51 të infektuar në 24 orë në Kosovë
51 raste të tjera me COVID-19 janë shënuar në 24 orët e fundit në Kosovë, pas 295 testimeve të bëra ndaj personave të dyshuar.
Gjithashtu bëhet me dije se janë shëruar edhe 9 persona, duke e çuar numrin e përgjithshëm të të shëruarve deri më sot në 102.
“Nga data 08 shkurt deri më 19 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 4.656 mostra të dyshimta në virusin SARS-CoV-2 dhe prej tyre, pozitive rezultojnë gjithsej pesëqind e gjashtëdhjetë e një (561) me dymbëdhjetë (12) raste të vdekjes të cilët kanë pasur sëmundje të tjera shoqëruese”, njofton klinika infektive.
2,4 mln njerëz të infektuar në mbarë botën
Në nivel global, 2.4 milionë njerëz janë diagnostikuar me virus ndërsa më shumë se 165,000 kanë vdekur, sipas të dhënave të përpiluara nga Universiteti Johns Hopkins. Gati 625,000 njerëz janë shëruar.
Vdekjet e lidhura me koronavirusin në SHBA tejkaluan shifrën 40,000 me gati gjysmën e të gjithë viktimave në New York, pasi protestat kundër urdhrave për “të qëndruar në shtëpi” u ndezën në një numër shtetesh.
Numri i vdekjeve në Itali ishte më i ulti brenda një jave, ndërsa ritmi i infeksioneve të reja gjithashtu u ngadalësua. Në 24 orët e fundit janë shënuar 433 viktima e 3,047 raste pozitive. Nurmi total i viktimave nga nisja e pandemisë deri më sot ka arritur në 23,660 e numri i të infektuarve 178,972.
Spanja regjistroi numrin më të ulët të vdekjeve ditore në pothuajse një muaj me 410 të vdekur nga koronavirusi. Numri i përgjithshëm i viktimave shkoi në 20,453, që do të thotë se Spanja vazhdon të mbetet në vendin e tretë në botë në listën e shteteve me më së shumti të vdekur nga pandemia, pas Shteteve të Bashkuara dhe Italisë.
Instituti Robert Koch i Gjermanisë thotë se rastet e konfirmuara u rritën me 1.775 në 141.672, në ditën e dytë të rënies. Numri i vdekjeve nga COVID-19 u rrit me 110.
Komisioni Kombëtar i Shëndetit në Kinë thotë se nuk ka pasur vdekje të raportuara në kontinent, në 19 prill, ditën e dytë radhazi. Kina raportoi gjithashtu 12 raste të reja të koronaviursit – tetë prej tyre të importuara – si dhe 49 raste të reja asimptomatike.
Zelanda e Re do të lehtësojë disa nga kufizimet e saj – ndër më të rreptat në botë – nga e hëna e ardhshme.
Një grup prej më shumë se 150 ekonomistësh në Australi i kanë kërkuar qeverisë të ruajë kufizimet e distancës sociale pasi disa kërkojnë heqjen e bllokimit për të shpëtuar ekonominë.
“Ne besojmë se një indiferentizëm i thirrur ndaj jetës është moralisht i kundërshtueshëm”, kanë shkruar ata.
/Iconstyle.al
