Dita-ditës shifrat e pandemisë Covid-19 po rriten frikshëm dhe deri tani, në rang global janë regjistruar 850,914 persona të infektuar, ndërsa viktima 41,695.
Bilanci në vendinpo vjen gjithashtu në rritje çdo ditë.
Deri tani, në Shqipëri janë konfirmuar 243 raste me koronavirus, ndërsa fatkeqësisht 15 persona kanë ndërruar jetë.
Pasditen e djeshme, Ministria e Shëndetësisë njoftoi për vdekjen e dy pacientëve, një 77-vjeçar me iniciale I. B. nga Kavaja dhe një 69-vjeçar me iniciale R. P. nga Hasi.
Kosovë
Kosova ka shpallur gjendjen e emergjencës kombëtare, ndërsa numri i rasteve të konfirmuara me Covid-19 ka shkuar në 112, ndërkohë një person i moshës 82-vjeçare ka vdekur.
Rastet e konfirmuara janë raste kontakti, 2 prej të cilëve janë me vendbanim në Mitrovicën veriore, 1 me vendbanim në Vushtrri dhe 1 me vendbanim në Malishevë.
Itali
Italia numëron shifrat më të larta të të infektuarve dhe jetëve të humbura për shkak të Covid-19.
Deri tani, janë konfirmuar 105,792 raste të infektuara, ndërsa 12,428 persona kanë ndërruar jetë.
4,023 persona nga të prekurit janë në gjendje kritike për jetën.
Spanjë
Spanja mban vendin e dytë pas Italisë me shifrat më të frikshme të të infektuarve dhe jetëve të humbura.
Spanja ka shënuar 849 viktima brenda 24 orëve të fundit, ndërsa numri i tyre total ka arritur në 8,269.
Gjithsej numërohen 94,417 raste të konfirmuara me koronavirus, ndërsa 5,607 prej tyre kanë rrezikshmëri për jetën.
Greqi
Virusi vdekjeprurës ka shënuar plot 49 jetë të humbura në Greqi, ndërsa numri total i të infektuarve ka arritur në 1,314.
72 persona janë në gjendje kritike për jetën dhe janë duke marrë mjekimin e nevojshëm teksa qëndrojnë të izoluar në spital.
SHBA
Në Shtetet e Bashkuara janë shtuar 615 vdekje, duke e çuar në 3,756 numrin e tyre total.
Gjithsej, janë konfirmuar 184,487 raste të infektuara, 3,981 prej të cilëve janë në gjendje kritike për jetën.
Zvicër
Zvicra ka shënuar 74 viktima të reja, ndërsa numri total i jetëve të humbura ka shkuar në 433.
Numërohen 16,605 të prekur deri tani, ndërsa 301 prej tyre kanë shfaqur shenja të rënda të virozës.
Francë
Franca ka konfirmuar 499 vdekje të reja, të cilat e kanë çuar në 3,523 numrin total të tyre.
Raste të infektuara me koronavirusin janë 52,128, ndërsa 5,565 prej tyre janë paraqiur në gjendje të rënduar shëndetësore.
/Iconstyle.al
