Numri i të infektuarve me COVID-19 në Shqipëri ka shkuar në 70.
Në njoftimin e saj për shtypin, ministria bëri me dije se 35 pacientë ndodhen të shtruar tek Spitali Infektiv në Tiranë dhe 3 prej tyre janë në terapi intensive.
Deri në këto momente janë testuar 732 raste të dyshuara dhe prej tyre janë të konfirmuar pozitivë me COVID-19, 70 raste në:
Tiranë 50 qytetarë
Durrës 5 qytetarë
Lushnje 2 qytetarë
Elbasan 2 qytetarë
Fier 7 qytetarë (2 nga Patosi dhe 5 nga Fieri)
Rrogozhinë 2 qytetarë
Kavajë 2 qytetarë
Ndërkohë, ditën e djeshme kryeministri Edi Rama bëri me dije masat e reja dhe ndryshoi orarin e lëvizjeve.
Rama njofton se ditën e sotme, i vetmi orar i qarkullimit është 05:00 deri në 13:00.
Që prej orës 13:00 të ditës së sotme, deri në orën 05:00 të mëngjesit të së hënës, do të ndalohet çdo lëvizje.
Kosovë
Numri i përgjithshëm i të prekurve nga koronavirusi në Kosovë ka shkuar në 22.
Lajmi është konfirmuar nga infektologu Valbon Krasniqi. Rasti i fundit është një familjar i të prekurve nga Malisheva.
Itali
Numri i vdekjeve nga shpërthimi i koronavirusit në Itali u rrit në 24 orët e fundit me 627 viktima duke e çuar numrin total të tyre në 4032.
Ky është një bilanc tragjik, i cili vjen në rritje dita-ditës dhe situata po bëhet e papërballueshme.
E gjithë Italia është shpallur zonë e kuqe, ndërkohë që veriu i vendit rezulton më i prekuri nga epidemia.
Në total, numri i rasteve të infektuara me koronavirus në Itali ka shkuar në 56,182.
Serbi
Në Serbi janë regjistruar edhe 32 rastet të reja, duke çuar në 135 numrin total të të infektuarve. Ditën e djeshme u shënua edhe viktima e parë dhe bëhet fjalë për një burrë 59-vjeçar që e kishte marrë virusin nga një person, djali i të cilit kishte qenë në Milano.
Greqi
Numri i jetëve të humbura në shtetin fqinj, Greqi nga Covid-19 ka shkuar në 10.
Vdekja e fundit është regjistruar në qytetin e Athinës. Deri tani, Greqia numëron 464 raste të konfirmuara me koronavirus.
Turqi
Ministri i Shëndetësisë i Turqisë, Fahrettin Koca, ka njoftuar se numri i rasteve të konfirmuara me koronavirus në vend është rritur në 670, ndërsa i viktimave në 10, të gjithë të moshuar.
Spanjë
Pas Italisë edhe Spanja ka shënuar një rekord të zi, me 213 vdekje gjatë 24 orëve të fundit. Totali i vdekjeve ka shkuar në 1044 dhe 21 571 të infektuar.
Britania e Madhe
Për shkak të shifrave në rritje të koronavirusit në mbarë botën, kryeministri britanik ka marrë masa për parandalimin e epidemisë.
Ai ka urdhëruar të mbyllen baret, restorantet, kinematë dhe palestrat.
Deri tani, në Mbretërinë e Bashkuar janë shënuar 3,983 persona të prekur dhe 177 vdekje.
Indonezi
Në Indonezi ditën e djeshme ndërroi jetë shqiptari i tretë. Bëhet fjalë për një burrë 84-vjeçar. Numri i shqiptarëve të prekur nga koronavirusi në Indonezi është tre.
369 është numri total i të infektuarve dhe 32 persona kanë ndërruar jetë.
Kina
Në Kinë situata është përmirësuar ndjeshëm dhe në 24 orët e fundit janë shënuar 41 raste të infektuar me koronavirus. 7 persona kanë ndërruar jetë duke e çuar në 3255 numrin total të të vdekurve.
SHBA
SHBA-ja ka marrë masa të rrepta për të parandaluar përhapjen e COVID-19, megjithatë numri i të prekurve është rritur. Në 24 orët e fundit janë konfirmuar 390 raste të prekur dhe 19 persona kanë ndërruar jetë. Në total 19,773 persona të infektuar dhe 275 të vdekur.
