Është pezulluar për 30 ditë lëshimi ose rinovimi i lejeve të qëndrimit të shqiptarëve në Itali për shkak të Koronavirusit.
Qeveria italiane bëri të ditur vendimin në draftin e fundit të aprovuar në kuadër të masave të reja në nivel kombëtar.
Drafti i ri ligjor pezullon procedurat e lejeve të qëndrimit deri në muajin prill duke lënë pezull afatet ligjore për rinovim, parashikuar brenda 60 ditëve nga dita e skadencës si dhe kohën e detyrueshme 8 ditë nga hyrja në territorin italian, për të gjithë ata që paraqesin për herë të parë kërkesën për të marrë një leje qëndrimi në Itali.
Në draftin e ri ligjor të qeverisë Conte është vendosur dhe pezullimi për 30 ditë i lëshimit të leje mbajtjeve për armë si dhe autorizimet për agjencitë e biznesit si agjenci imobilare, agjenci sigurimi, etj apo për ushtrimin e aktivitetit të mbikëqyrjes e investigimit privat etj.
Italia po përballet me një prej situatave më të vështira të epidemisë së Koronavirusit.
Numri total i të vdekurve në shtetin fqinj ka shkuar në 55, ndërsa i të shëruarve në 66.
