“Corriere Della Sera” ka publikuar një grafik ku tregon çdo ditë numrin e viktimave nga koronavirusi dhe si mund të dyfishohet çdo dy deri në tre ditë.
Grafiku tregon se Lombardia ka një numër më të lartë vdekjesh se Wuhan, vatra e COVID-19, por situata në shtetet e tjera është akoma edhe më shqetësuese.
Momentalisht Europa është zona më problematike kryesisht Italia dhe Spanja ku numri i të prekurve dhe viktimave po rritet dita ditës.
Në grafik shihet se si numri i vdekjeve dyfishohet nga dita në ditë në këto qytete.
Ditët e fundit kurba është rritur në Madrid dhe në New York dhe sipas grafikut Madridi dhe New York-u nëse vazhdojnë me këto shifra do të kalojnë edhe numrin e vdekjeve në Lombardi.
Në Itali virusi u shfaq 6 ditë më parë se në Spanjë, 14 ditë më parë se në Angli dhe 19 ditë para se në SHBA.
Në Itali në 24 oret e fundit kanë ndërruar jetë 683 persona dhe numri total ka arritur përmasa të frikshme duke shkuar në 7503.
Spanja shënon deri tani 3,434 jetë të humbura, duke u bërë shteti i dytë në botë pas Italisë, me numrin më të madh të personave të vdekur.
Ndërsa në SHBA, kanë ndërruar jetë 880 persona, 100 viktima u regjistruan vetëm në 24 orët e fundit.
