Drejtoria e Përgjithshme Detare ka marrë masat e nevojshme për parandalimin e epidemisë së koronavirusit, pas konfirmimit të dy rasteve të infektuara në Shqipëri.
Siç është bërë e ditur në njoftimin zyrtar, do të ndalohen lëvizjet nga të gjitha portet drejt Italisë së Veriut, si dhe do të pezullohen linjat nga Durrësi në Ankona e Trieste.
Njoftimi i plotë:
?Njoftim i rëndësishëm në lidhje me COVID-19 dhe mjetet e transportit detar për/nga Shqipëria dhe Italisë.
Në vijim të situatës së krijuar në Itali për shkak të përhapjes së COVID-19, masave të marra nga qeveria italiane për vendosjen e karantinës në veri të Italisë, si dhe masave parandaluese të përhapjes së virusit në vendin tonë, në zbatim të urdhrit të Ministrisë së Infrastrukturës dhe Energjisë ju njoftojmë se: ?Ndalohen të gjitha lëvizjet me mjetet e transportit detar nga të gjitha portet drejt Italisë së Veriut; ?Ndalohen të gjithë lëvizjet me mjetet e transportit detar të pasagjerëve dhe/ose mjeteve në Linjën Durrës-Ankona- Durrës dhe Durrës-Trieste-Durrës. ?Të gjitha mjetet e transportit detar që kanë destiancion Portet e Hapura të Republikës së Shqipërisë nuk do ju lejohet zbrita e ekuipazhit nga anija në portet përkatëse.
Drejtoria e Përgjithshme Detare ka njoftuar menjëherë Kapiteneritë e Porteve, Portet e Republikës së Shqipërisë dhe Agjensitë Detare për zbatimin e këtij kufizimi për mjetet e transportit detar nga portet e sipër përmendura, deri në një njoftim të dytë.
https://www.facebook.com/drejtoriadetare/posts/1056794781346660?__xts__[0]=68.ARA0J0h7ilKvORUmGbFVKL01boWNOoomX8q1iF4hIfnOgc6XzfkZLW8FKto7kjcLEn8QomXpCYJQBEQkiCkPssEHdnVDaTkXsDI41c3aj7vBzk2xnLCYbG3rgTddJZdLgNnpjDMRSoCIATgXHLwjEdzpOZXOSEn5fOMVWYqF-1V4eI0_X8I-o0nRJ8mku82z0_Pi0r8DMjnN8JbwoV6M62PxQaPXf9XMB3vlYMhOAoW4bnw1mRIuqBS_5T_tnbEtvWSHJ1jxeOFvk9YNpuKuBh4TzZ9fqpfTn_k_tmZddXWLpMCP1dgWi0mLgLxzDq6V1qbfDJ1iM9kFVTHGuXoqdu18cg&__tn__=-R
