Teksa virusi vdekjeprurës ka përhapur panik nëpër botë, vendi fillestar i “lindjes” së tij, Kina, duket se është përmirësuar ndjeshëm.
116,000 persona rezultuan të infektuar prej 31 dhjetorit dhe rreth 4000 të tjerë humbën jetën, megjithatë gjendja po ndryshon.
Presidenti kinez Xi Jinping ka vizituar ditën e sotme Wuhan-in, epiqendrën e koronavirusit.
Ai vizitoi spitalin e ndërtuar për 10 ditë për personat e infektuar si dhe më shkoi në një komunitet lokal me rezidentët nën karantinë.
Gjendja paraqitet mjaft e mirë, pasi autoritetet në Wuhan kanë mbyllur 14 spitale të përkohshme të quajtura ‘fang cang’, ku janë trajtuar rreth 12.000 pacientë.
Kjo është parë si një hap drejt shpalljes së fitores së Kinës ndaj epidemisë e cila i mori jetën mijëra njerëzve në këtë shtet.
Ndërkohë, në vendin tonë janë shënuar zyrtarisht 10 persona të infektuar, ndërsa kryeministri Rama bëri me dije masat e reja në kuadër të prekjes së Shqipërisë nga koronavirusi. (Lexo këtu)
