Ndërkohë që Kina duket se po e superon situatën e koronavirusit dhe 14 spitale të përkohshëm u mbyllën, vendi ynë fqinj paraqet një situatë të rënduar.
Në Itali janë rritur ndjeshëm shifrat e të prekurve dhe viktimave nga virusi vdekjeprurës, ndërsa i gjithë shteti është shpallur zonë e kuqe.
Mbrëmjen e kaluar, kryeministri Italian njoftoi se i gjithë vendi është kthyer në karantinë dhe është ndaluar çdo aktivitet.
Ditën e sotme, situata e vendit është rënduar pasi Zyra italiane e Mbrojtjes ka lajmëruar se ka shkuar në 631 numri i viktimave dhe 10,149 numri i personave të infektuarve.
Numërohen 877 të infektuar të cilët po kurohen në terapi intesive, 5038 në struktura spitalore e 2599 preh tyre në kushte shtëpie.
Në botë, Covid-19 ka shënuar deri tani 4,346 viktima dhe 118,002 të infektuar.
Në Shqipëri janë konfirmuar 10 raste pozitive me koronavirus, ndërkohë që fatmirësisht nuk është shënuar asnjë viktimë.
