Më 9 mars vendi ynë do zgjohej me dy të infektuar dhe deri tani janë 856 të infektuar, 31 viktima dhe 627 persona të shëruar.
Mirëpo, situata duket se po shkon drejt përmirësimit pasi prej javësh kurba ka qenë në rënie, teksa ka nisur edhe hapja graduale e vendit.
News 24 raporton se tashmë jemi në nivelet më të ulëta të sëmundjes sepse rënia e kurbës tregon që jemi drejt shuarjes koronavirusit.
Aktualisht të shtruar në dy spitalet Covid janë 29 pacientë dhe fatmirësisht nuk është asnjëri prej tyre në gjendje të intubuar.
Ministria ka paralajmëruar se vendi ynë ka aktualisht 2 spitale Covid, Infektivi dhe spitali “Shefqet Ndroqi”, teksa Manastirliu tha disa ditë më parë po punohet për kthimin e ish-Kirurgjisë së QSUT në Covid 3, sepse sipas saj rreziku s’ka kaluar ende dhe virusi mund të rikthehet në pranverë.
Mirëpo, përqëndrimi i vëmendjes te pandemia dhe paralizimi i sistemit spitalor, ku momentalisht realizohen vetëm urgjencat, ka rënduar gjendjen e të sëmurëve kronikë.
“Jemi në nivelin më të ulët të sëmundjes në këto dy muaj. Pra, është i ngjashëm me 18 mars, kur kurba filloi të rritej. Tani kurba po bie dhe kjo do të thotë se jemi drejt shuarjes. Këtë mendojnë mjekët, që ditët e fundit kanë pritur shumë pak urgjenca, në raport me daljet nga spitali. Prej dy muajsh ndodhet gjithë sistemi spitalor i paralizuar, ku realizohen vetëm urgjencat. Kjo po rëndon te të sëmurët e tjerë kronikë ose jo, por që presin prej dy muajsh operacionin dhe sëmundja e tyre mund të ketë avancuar, si dhe gjendja e tyre shëndetësore. Kemi 4 mijë operacione më pak të moskryera këto dy muaj”, raportoi gazetari Erion Skëndaj.
Nga momenti në moment pritet edhe përditësimi itë dhënave nga Ministria e Shëndetësisë lidhur me të dhënat e fundit nga Covid-19 në Shqipëri.
/GazetaReforma
