Ndërkohë që vendi ynë ka marrë masa për monitorimin e aeroporteve dhe kontroll pas përhapjes së Koronavirusit, shqiptarët po e ndjejnë së tepërmi rrezikun dhe izolimi i vetes shihet si një teknikë e rëndësishme për t’u mbrojtur.
Por çfarë do të thotë vetëizolim dhe kush duhet ta bëjë atë?
Vetëizolimi ka të bëjë me mbrojtjen e të tjerëve nga vetja dhe ndalimin e përhapjes së sëmundjeve infektive siç është Koronavirusi.
Kushdo që dyshon se mund të ketë diçka që nuk shkon me shëndetin e tij (temperaturë, vështirësi në frymëmarrje, kollë, teshtima), duhet të qëndrojë brenda dhe të shmangë kontaktin me njerëzit e tjerë për të parandaluar që të përhapet sëmundja te familja, miqtë dhe komuniteti i gjerë.
Sipas Shëndetit Publik në Angli (PHE), kjo do të thotë që ju duhet:
-të qëndroni në shtëpi
-të mos shkoni në punë, shkollë apo zona publike
-të mos përdorni transportin publik si autobusë, trena, taksi, përveç nëse ju është thënë se është e sigurt ta bëni këtë nga ekipi i shëndetit publik
-të shmangni vizitorët në shtëpinë tuaj
-të dërgoni anëtarët e familjes ose shërbimet për të kryer veprime për ju – të tilla si marrja e sendeve ushqimore, ilaçeve ose blerjeve të tjera
Kush duhet të izolohet?
Aktualisht, PHE deklaron se izolimi i vetvetes është i rëndësishëm vetëm për një numër të zgjedhur njerëzish, përfshirë ata që janë duke pritur për një rezultat të testit të Koronavirusit dhe ata që kanë një kontakt të ngushtë me dikë me Koronavirus.
Kushdo që është rikthyer nga shtetet si Irani, Italia Veriore, Koreja, Vietnami, Kamboxhia, Kina, Tajlanda, Japonia dhe Singapori, duhet të sigurohet që nuk e ka marrë virusin!
/Përshtatur nga Independent
