Një tjetër tërmet ka goditur qytetin juglindor të Korçës. Lëkundjet e fundit u regjistruan me magnitudë 2.7.
Sipas Institutit të Gjeoshkencave, Energjisë, Ujit dhe Mjedisit (IGJEUM), tërmeti kishte epiqendër në Ziçisht, 10 kilometra nga Bilishti, ndërsa thellësia ishte 17 kilometër.
Këto lëkundje pasojnë goditjen e fortë të mëngjesit të djeshëm me magnitudë 5.2 i shkallës Rihter. Epiqendra e tërmetit ishte 3 km në verilindje të Miras dhe 11 km në Juglindje të Korçës.
