Në prag të startimit të emisionit të ri në “Top Channel” për zbulimin e talenteve të reja, “Top Talent”, moderatori Kelvi Kadilli ka publikuar një video mjaft interesante.
Bëhet fjalë për audicionet që zhvilloheshin për moderatorë të “Top Select”, ku Kelvi kishte konkurruar që kur ishte 16 vjeç.
I veshur me një këmishë rozë dhe një palë xhinse blu, Kelvi duket mjaft simpatik dhe sigurisht i shkathët, siç e njohim sot.
“Viti 2006, e ëmbla 16. Audicionet e ‘Select’ në Top Channel Albania. S’më pranuan dhe bënë mirë!”, shkruan Kelvi duke dhënë mesazhin se nuk duhet të dorëzohesh për ëndrrat e tua.
Kelvi Kadilli është në jurinë e “Top Talent”, që nisi mbrëmjen e djeshme.
