Rita Ora do të performojë në Kosovë me rastin e 10-vjetorit të pavarësisë së Kosovës, më 17 shkurt. Lajmi tashmë është bërë zyrtar nga personi më i afërt me presidentin Thaçi, Petrit Selimi.
A i ka shkruar në rrjetin social Twitter duke thënë se këngëtarja ka konfirmuar performancën e saj në Kosovë.
“Pop ylli kosovaro-britanik, Rita Ora, ka konfirmuar koncertin e madh për 10-vjetorin e pavarësisë së Republikës. Njerëz, vetëm kujtoni se Roma nuk është ndërtuar për një ditë. Por, sigurisht se ata kanë pasur festa të mira”, ka shkruar Selimi në Twitter.
Edhe pse Selimi nuk ka funksion zyrtar lidhur me organizimin që po bën presidenca, ai ka përvojë në këto organizime, shkruajnë mediat kosovare.
Rita Ora pritet të performojë për rreth një orë më 17 shkurt, për vendin dashurinë ndaj të cilit ajo kurrë nuk e mohoi, madje e promovoi, duke u bërë ambasadore nderi e Kosovës.
