Konfirmohet rasti i tretë me koronavirus në Shtetet e Bashkuara të Amerikës.
Mediat e huaja raportojnë se bëhet fjalë për një të ri nga Boston, tek të 20-at.
Sipas zyrtarëve amerikanë, djali kishte udhëtuar pak ditë më parë në Wuhan, qyteti kinez ku u shfaq për herë të parë virusi.
Pasi është kthyer në shtëpinë e tij, i riu ka kërkuar ndihmë mjekësore dhe doktorët kanë konfirmuar se ai është i prekur nga koronavirus.
Deri më tani raportohet se 259 persona kanë humbur jetën dhe mbi 12 mijë janë të infektuar, shumë prej të cilëve në gjendje të rëndë për jetën.
Ndërkohë, Kina ka kërkuar ndihma medicinale nga Bashkimi Europian, pasi ilaçet janë duke shteruar.
