Chanel ka hedhur poshtë thashethemet se drejtori kreativ Karl Lagerfeld do të dalë në pension në maj. Lagerfeld raportohet se nuk do të heq dorë nga pozicioni i tij si drejtor.
Thashethemet nisën pasi “Page Six” raportoi se dizajnuesi, nuk po ecte mirë dhe ishte gati të ndalonte, duke hamendësuar se shfaqja në Kuba do të ishte e fundit për të në shtëpinë franceze të modës.
“Thashethemet në lidhje me zotin Lagerfeld për ndërprerjen e koleksioneve dhe se shfaqja e koleksionit në Kubë do të ishte e fundit janë të pabazuara”, tha një zëdhënës i Chanel mëngjesin e djeshëm.
Lagerfeld u punësua për të sjellë një frymë jetë të re në Chanel në vitin 1983 dhe ka vepruar edhe si drejtor kreativ i Fendi-t për më shumë se 50 vjet. Ai ka thënë më parë në intervista se ai kurrë nuk do të dalë në pension. “Pse duhet të ndalojë së punuari? Unë do të vdes”. Dhe besohet se ka një kontratë për gjithë jetën me Chanel.
I prirur edhe për filmime dhe fotografi, ai ka fotografuar të gjitha fushatat e tij të modës. Lagerfeld nuk ka treguar asnjë shenjë ngadalësimi dhe u fotografua në një set me Kendall Jenner vetëm dy ditë më parë.
Burimi: Harper’s Bazaar
