Konfirmohen katër raste të reja të prekura nga Koronavirusi në Kosovë, duke e çuar në 9 numrin e tyre.
Lajmin e ka bërë të ditur ministri i Shëndetësisë së Kosovës, Arben Vitia.
Ai thotë se ditën e sotme 70 persona kanë kryer testit e Koronavirusit dhe 4 prej tyre rezultuan pozitiv.
Në një postim në Facebook, Vitia tha se 3 nga këto raste lidhen me një paciente të diagnostikuar me Koronavirus më 14 mars.
“Bazuar në situatën e krijuar dhe me qëllim të ruajtjes së shëndetit të popullatës, porsa kërkova nga kryeministri Albin Kurti, që t’i propozojë Qeverisë shpalljen e emergjencës për shëndetin publik”, tha Vitia.
Deri më tani Koronavirusi në Kosovë ka shtrirë hartën në disa qytete dhe gjendja e të infektuarve mësohet se është e stabilizuar.
