Performanca e Dua Lipës në kryeqytetin shqiptar mblodhi rreth 30 mijë veta. Në fakt ardhja e saj ishte koncerti i vitit. Shtuar kësaj, Dua Lipa mori “Çelësin e qytetit të Tiranës” nga kryetari i Bashkisë të Tiranës Erion Veliaj.
Kjo dhuratë ishte e çmuar për këngëtaren, e cila më pas u shpreh në “Instagram”: “Çelësi i qytetit të bukur të Tiranës. Me të vërtetë një nder. Shumë momente të paharrueshme në këtë udhëtim. Do ta mbaj gjithmonë me vete dhe do të jem krenare për të gjithë pjesën e mbetur të jetës. Ju faleminderit Shqipëri”.
Ajo ka dashur sërish të falënderoj të gjithë fansat e saj të cilët pritën në Aeroportin “Nënë Tereza” dhe më pas për orë të tëra në sheshin me të njëjtin emër, që këngëtarja nga Kosova të ngjitej në skenë. Përmes videos që tregon disa nga çastet e eventit të saj, nga shkelja në tokën shqiptare e deri te entuziazmi i turmës mbledhur për të shijuar muzikën e saj. “Kështu duken 30 mijë njerëz! E pabesueshme! Faleminderit?”, shkruan Dua Lipa bashkangjitur me videon e publikuar në “Facebook”.
Burimi: Facebook/ Iconstyle
