Prej vitesh këngët e Noizy-t kanë qenë ndër më të të dëgjuarat edhe në Gjermani. Dhe koncerti i tij ditën e djeshme e dëshmoi akoma më mirë këtë gjë!
Ai u ngjit në skenë bashkë me disa nga emrat më të njohur të repit në Gjermani dhe e gjithë audienca nisi të kërcente.
Oriola Marashi na la të kuptonim se edhe ajo ndodhej mes turmës, pasi publikoi disa video gjatë koncertit të tij në Insta Story.
“Mbrëmë në Gjermani. Nuk kam fjalë për të përshkruar çfarë ndjej, por ajo që di është se ai e meriton të jetë aty më shumë sesa kushdo tjetër”, shkroi modelja në një prej postimeve të saj.
Marrëdhëniet mes modeles Oriola Marashi dhe reperit Noizy u përfol se ishin krisur pak kohë më parë. Dhe kjo gjë nënkuptoi edhe largimin e saj nga grupi “OTR”.
Por modelja hodhi poshtë spekulimet në shkurt të këtij viti, duke treguar se vazhdon të jetë pjesë e grupit dhe tregoi se vazhdonte të ndiqte në koncert Noizy-n.
