Luana Vjollca është ndër ato moderatore që lehtësisht i pranon gabimet që bën qoftë teksa moderon, qoftë kur shkruan!
Shpeshherë ajo është nën shënjestrën e komentuesve që janë në pritje të gafave nga ana e bukuroshes shqiptare.
Si duket edhe këtë herë ndjekësit kanë qenë sy e veshë për t’i kapur gabimin e radhës në shprehjen në anglisht të bërë nga Luana: “Tell em who the Lion is haa (tregoju atyre kush është luani)!”
Shprehjen në fjalë, Luana e ka shoqëruar me një foto të bërë nga palestra, ku shfaqet pa make-up, e veshur me një kostum sportiv të zi, me doreza boksi në duar, krah instruktorit të saj të palestrës.
S’kishte si të ndodhte ndryshe! Sapo Luana bëri postimin në fjalë një komentuese i shkruajti që moderatorja e kishte shkruar gabim shprehjen!
“Who is the lion (kush është luani), po si nuk u mësove njëherë se si shkruhet!”- shkruan komentuesja.
E ndërkohë, duke qenë se Luana e ka shkruar saktë shprehjen, e cila për hir të së vërtetës mund të shkruhet në të dyja format, moderatorja ia kthen me ironi:
“Më raftë pika mua. Mësoje ti pak më mirë!”
