Më 11 mars këngëtarja e njohur nga Kosova, Lindita Halimi, së bashku me partnerin e saj reperin Big D, u bënë prindër për herë të parë.
Vogëlushen e tyre vendosën ta quanin Kaimana dhe dje Lindita na e prezantoi për herë të parë, duke publikuar një foto të saj.
Ndërsa këngëtarja ka treguar se gjithmonë është përballur me komente negative për shkak të bashkëshortit me ngjyrë, ato nuk janë ndalur as tani pas ardhjes në jetë të vogëlushes.
Lindita publikoi një koment që shkëmbeu me një prej ndjekëseve, që i shkruante nëse ishte gëzuar babai i saj për fëmijën.
“Në fakt shumë! Pse nuk e pyet personalisht meqë po të intereson kaq shumë”, i përgjigjet Halimi, sipas fotos së publikuar në Insta Story.
Më pas komentuesja vazhdon ta ofendojë atë dhe familjen e saj.
Në mbishkrimin e këtij postimi këngëtarja ka dy fjalë: “Situatë e rëndë kjo”, ndërsa e shoqëron me emoji-t e qeshur.
Ajo vendosi që pak momente pasi e kishte publikuar këtë postim ta fshinte.
