Operacionet plastike janë kthyer në një trend dhe jo të paktë janë personazhet e njohur të showbiz-it shqiptar që kanë bërë jo vetëm një, por edhe më shumë ndërhyrje kirurgjikale në pamjen e tyre. Nisur nga ky fakt fansat në çdo moment nuk ngurrojnë të akuzojnë personazhet e famshme se kanë bërë buzët, gjoksin apo vithet.
E njëjta gjë i ka ndodhur edhe këngëtares Beatrix Ramosaj, e cila është akuzuar nga fansat se ka bërë gjoksin. Në një foto të postuar në Instagram ku shfaqet me një veshje mjaft seksi që i vë në dukje format e saj të rrumbullakosura, fansat e kanë akuzuar se ka bërë operacion plastik gjoksin.
“E ke rrit gjoksin apo push-up? Yll fare”, i shkruan një fans.
“Ja të pyes pak mamin dhe të them”, ia kthen Beatrix duke i bërë fansat të qeshin.
Kujtojmë që Beatrix aktualisht është duke punuar për të hedhur në treg një këngë të re, e cila pritet të shndërrohet në një hit veror.
