Presidenti Obama dhe Raúl Castro shtrënguan duart në prill të 2015-s, si një gjest simbolik për afrimin e marrëdhënieve diplomatike mes SHBA-ve dhe Kubës. Kjo ishte gjithçka që i nevojitet modës për ta kthyer shtetin ishull në një frymëzim kryesor.
Stella McCartney i vuri emrin Kuba një vit më parë prezantimit të saj Resort 2016, Chanel fluturoi për në Havana për koleksionin Cruise 2017 muajin e kaluar. Tani, Valentino, Maria Grazia Chiuri dhe Pierpaolo Piccioli kanë bërë një udhëtim metaforik në Kuba.
Pas koleksionit të Vjeshtës në rozë dhe të zezë, koleksioni Resort është një shkundje, e dendur me ngjyra, printime dhe zbukurime.
“Gjëja që duam nga Kuba është kujtimet e ndryshme të vendit – afrikan, spanjoll, Amerika e viteve ‘50”, u shpreh Chiuri.
“Kjo na dha ne një liri të vërtetë miksimi, si një suvenir, shumë pjesë bashkë”, tregoi Piccioli. Ashtu siç premtuan ata prekën hitet më të mëdha: Fustanet e mbrëmjeve të zbukuruara me dantella xhaketat erdhën me materiale më të lehta.
Lulja kombëtare e Kubës, zambaku i bardhë e kuqërremtë, i njohur si Mariposa ose flutur, duket se është gjëja që i sjell fat Valentino-s. Ata sjellin sërish të kuqen e njohur të markës, ndërsa duket se Chiuri dhe Piccioli ende po rifreskojnë atë për të cilin duhet të mbahen mend.
*Shfleto galerinë
Burimi: Vogue
