“Libertine” solli anarki në pasarelë me një koleksion të ndikuar nga stili “punk” londinez, gjatë Javës së Modës në Nju-Jork, të hënën.
Koleksioni pranverë/verë 2017 ishte në përputhje me stilin e zakonshëm të markës, i stuhishëm, i gjallë dhe i zbukuruar me ikonat e kulturës pop.
Veshjet më të veçanta përfshinin flamurin britanik dhe zbukurimet me simbolet e Mbretëreshës, shtuar simbolet e anarkisë dhe portretet e figurave nga Malcolm McLaren te Sidney Poitier.
Xhaketat ishin zbukuruar me perla të varura dhe temina të qëndisura në formë buzësh dhe sysh, të kombinuara me streçe me printime.
Modele mbanin stile manikyri të çuditshme, shumë shkëlqyese dhe me ngjyra, si dhe imazhet 3D të qenve të dizajnuesit, Johnson Hartig.
Lidhur me përdorimin e flamujve britanikë dhe Mbretëreshës Elizabeth, Johnson konfirmoi se ideja ishte e ndikuar politikisht.
“Ishte shumë e qëllimshme. Jam thjesht kaq i frustruar që këto janë dy kandidatët tanë dhe askush nuk është duke folur në lidhje me mjedisin, ndërsa bota jonë po kalon ngrohjen globale …. Është me të vërtetë një rrëmujë dhe askush nuk është duke folur në lidhje me të dhe kjo po më çmend”, tha ai në prapaskenë për “Pret-a-Reporter”.
Megjithatë, jo të gjitha idetë duket se lindin nga fundi dhe errësira, pasi shumë nga veshjet sjellim terma pozitivë si, “lumturi” dhe “miqësi”. Ndërsa printimet e tjera sjellin deklarata si: “Libertine elegant si “dreqi”.
*Shfleto galerinë
Burimi: Daily Mail
