Nata e dytë e festivalit të këngës në RTSH pati sërish disa komente negative sa i përket prezantimit të Ledina Çelos. Këtë herë nuk bëhet fjalë për veshjen e saj, për ekstravagancën e të cilës u përfol shumë në natën e parë, por për disa ngatërresa gjatë prezantimit të këngëtarëve, të cilat u vunë në dukje nga kolegët e saj.
Këngëtari Renis Gjoka shkroi një status në profilin e tij në Facebook, ku vinte në dukje gabimet me emrat:
“Vlashent Seta tha kjo. Pritet kur të thotë kjo ishte nata e dytë e Këngës Magjike”, shkruan Renisi në Facebook, ndërkohë që miqtë e tij shkruajnë se Ledina ngatërroi emrin e Alma Bektashit dhe e quajti “Arta”.
