Për Ervin Zyfin, ish banorin e “Big Brother Albania”, 2019-a nuk mund të niste më bukur. Ai ka zbuluar për “Panorama Plus”, se tanimë vendosi të hidhte një hap më tej në jetën e tij, duke i propozuar për fejesë vajzës me të cilën është i dashuruar.
Të dy jetojnë në Amerikë dhe siç raporton “Panorama Plus”, Ervini punon në ” Building remodeling Manhattan”, një agjensi e specializuar për rimodelimin e apartamenteve, shkollave, hoteleve, restoranteve etj.
Nga ana tjetër e fejuara e tij punon si drejtoreshë e burimeve njerëzore në një kompani. Mësohet se ata janë njohur nga një shoqëri e përbashkët dhe që prej asaj dite, ata janë bashkë.
Unaza që i propozoi është ar i bardhë me 3 karat diamante. “Çmimi s’ka rëndësi, por di të them që ajo meriton edhe më shumë se kaq. Është shqiptare, bashkëjetojmë dhe jemi shumë mirë me njëri-tjetrin. Përmbledhja në një frazë e dashurisë sonë është: ‘Çdo histori dashurie është e bukur, por kjo e jona është e preferuara!’” -shprehet Ervini.
Pyetur nëse ka menduar për martesën, Ervini është shprehur se i pëlqen t’i bëjë hapat avash- avash.
