Teksa Ministria e Shëndetësisë vendosi dje të shtyjë afatin për ndalimin e grumbullimeve në vende të hapura dhe të mbyllura, për shkak të rritjes së rasteve nga koronavirusi, pikërisht mbrëmjen e djeshme në koncertin e Ermal Metës në Tiranë, jo vetëm që nuk u respektua ky ligj, por asnjë nga masat anti-Covid.
Kjo masë ishte në fuqi deri më datë 06 shtator, por ministria e ka zgjatur deri më 20 shtator. Urdhri është firmosur nga ministrja e Shëndetësisë, Ogerta Manastirliu dhe është publikuar në fletoren zyrtare.
Për më tepër, vazhdon promovimi i këtyre eventeve nga vetë kryetari i bashkisë së Tiranës, Erjon Veliaj.
Gjatë gjithë kësaj kohe, ai ka ndarë në rrjetet sociale përgatitjet për këtë koncert, për të cilin u tha se do të zhvillohet nën të gjitha masat anti-COVID.
Realiteti e tregoi se këto ishin vetëm fjalë dhe asgjë tjetër, pasi asgjë nuk u vu në zbatim.
Madje kryetari i bashkisë ka zgjedhur pikërisht pamje ku vihet re shumë qartë mosrespektimi i masave për parandalimin e koronavirusit për t’i publikuar në llogaritë e tij në rrjetet sociale.
View this post on Instagram
Pa lënë pa përmendur faktin që pavarësisht shkeljeve, askush nuk është gjobitur.
