Prej kohësh Enca ka paralajmëruar se shumë shpejt do të hedh në treg një këngë të re. Madje disa ditë më parë përmes opsionit pyetje-përgjigje në Instagram Enca zbuloi se kënga e saj e re do të mbante titullin “Kujt po i han” dhe për më tepër do të ishte një bashkëpunim.
Mirëpo askujt nuk i kishte shkuar mendja se do të bëhej fjalë për të bashkëpunuar me një reper, i cili njihet si një ndër kundërshtarët më të mëdhenj të Noizy-t, falë diss-eve të shumta që ata i kanë bërë njëri-tjetrit, Don Phenom.
Këtë bashkëpunim dy këngëtarët e kanë konfirmuar edhe duke postuar një video në Instastory ku shfaqen së bashku.
Madje edhe fansat e tyre kanë publikuar një video amatore ku konfirmojnë vërtetësinë e këtij bashkëpunimi.
