Stresi është bërë pak nostalgjik ditën e sotme pasi ka ndarë në Instagram një foto të vjetër në rrugët e lagjes.
Mirëpo, nëse menduat se edhe kjo i përket kohës kur ai sillej me ‘naçut’, na falni por këtë herë po ju zhgënjejmë…për mirë.
Reperi i dashur ka rikujtuar sot kohët kur ngacmonte Keisin, pikërisht në lagjen e tyre, duke shkuar shumë kohë pas, pikërisht në fillesat e lidhjes.
Koha kur ngacmoja Keisin, në lagje!- ka shkruar reperi me nota humori.
Kujtojmë se javën që lamë pas teksa ishte i ftuar në “Shiko kush luan” Stresit iu kërkua të bënte një foto me Trejsi Sejdinin nga një shtrat i improvizuar në studio dhe ta postonte në Instagram.
E ç’bëri Stresi do thoni ju? Tha “Keis, është vetëm lojë!” Pra, e dëshifruar në fjalë të tjera, u shqetësua që Keisi mos ta keqkuptonte postimin e kësaj fotoje.
Por, prisni se ka më! Ai u pyet gjithashtu edhe për bisedën e fundit me (ish)-partneren e tij, emrin e të cilës e kishte shënuar “E bukura ime”.
Datën se kur kanë biseduar për herë të fundit nuk na e zbuloi, por na tregoi se i kishte dërguar një video nga rruga ku po ecte me makinë, teksa dëgjohej ajo që Stresi e quajti “kënga e saj”, që fliste për mallin.
Ndërkohë, Keisi i kishte dërguar një video-selfie.
https://www.instagram.com/p/CGLUqbFlo6S/?utm_source=ig_web_copy_link
Për t’i vënë kapakun këtij muhabeti, Stresi u përgjigj troç gjatë intervistës së afterparty-t ku iu drejtuan disa pyetje pikante.
Reperi s’mund t’i shpëtonte pyetjes “A je single apo në një lidhje”, të cilës gjejeni pak si iu përgjigj?
“Momentalisht në lidhje”- tha reperi duke na shuar njëherë e mirë kuriozitetin të gjithëve.
Ndonëse, Stresi deklaroi në NIN pak ditë më parë se ata nuk janë bashkë për momentin, zhvillimet e fundit po na bëjnë të dyshojmë.
Kujtojmë se ndër të tjera edhe Keisi deklaroi 3 ditë më parë për “revista who” se ata janë akoma të martuar dhe se mban mbiemrin e Stresit.
Vlen të theksojmë se ishte po Keisi ajo që publikoi një screenshot të një videocall pak ditë më parë me një person, që zgjodhi të mos e zbulonte, por ne të gjithë menduam se bëhet fjalë për reperin.
Nuk mund ta themi me siguri se çfarë po ndodh mes tyre, por gjërat duket se po ecin në rrugë të drejtë.
