Prej javësh ju kemi bërë me dije se “Vodafone Albania” po përballet me një lumë largimesh të klientëve, teksa po bën çmos për t’i mbajtur me pahir ata që duan të largohen, ende në kompaninën e tyre. (KLIKO)
Në dy javët e fundit të paktë 1,000 klientë kanë bërë kërkesë për tu larguar nga kjo kompani dhe të gjitha këto kërkesa janë lënë pezullur.
Zvarritja e klientëve me muaj të tërë!
Më 26 nëntor, bëmë publik një denoncim nga një qytetar i cili i pakënaqur nga shërbimi i “Vodafone” ka vendosur të largohet nga kjo kompani telefonike. Pasi ka kryer të gjitha detyrimet ndaj “Vodafone” ka bërë edhe kërkesën ligjore për të kaluar në “One”. Mirëpo, prej ditësh kërkesa e tij nuk po plotësohet.
Pas komunikimeve të vazhdueshme me “One”, i është bërë me dije se “fjalën e fundit” e thotë pikërisht “Vodafone”. Ky i fundit nuk po i jep dritën jeshile që ai të kalojë në kompaninë tjetër telefonike. Sikundër mund ta shihni edhe në foto çdo ditë qytetarit i dërgohet një mesazh klasik, ku shkruhet: “Përshëndetje, ju njoftojmë se kërkesa juaj për bartjen e numrit në One është dërguar për konfirmim, brenda disa minutave do të njoftoheni me SMS nëse është pranuar. Faleminderit!”
Pas shumë përpjekjesh ndryshimi i kompanisë celulare u bë, por duket se “Vodafone” nuk heq dorë. Në celularin e qytetarit në fjalë mbërrijnë ende mesazhe sipas së cilit ai mund të përfitojë duke qenë pjesë e “Vodafone”.
Padyshim edhe kjo është pjesë e skemës së kësaj kompanie celulare për të “mbajtur me pahir ose rikthyer ish-klientët”, ndonëse të gjithë e dimë se ofertat dhe shërbimet e saj lënë shumë për të dëshiruar.
Një veprim i tillë padyshim shmang konkurrencën e drejtë në treg. Një gjë e tillë nuk është thjesht e gabuar në planin moral dhe etik, por bie në kundërshtim të plotë me ligjin Nr.9918, datë 19.5.2008 (I ndryshuar) “PËR KOMUNIKIMET ELEKTRONIKE”. (LEXO KËTU TË PLOTË) Kjo nuk është Këtë gjë e shkelin të dyja kompanitë celulare “One” dhe “Vodafone” edhe me telefonatat që iu bëjnë qytetarëve duke iu kërkuar të kalojnë në kompanitë e tyre. (KLIKO)
Disa ditë më parë, një person që dikur ka punuar në “One” tregoi edhe skemat që përdoren nga “Vodafone” (por jo vetëm) për të penguar largimet e klientëve prej tyre:
Unë kam punuar në një pikë të dyqaneve One dhe Vodafoni këtë politikë ndjek me të gjithë abonentët sidomos tek ata abonentë që bëjnë oferta të larta në çmim. Kur shkojnë klientët duke u ankuar i largojnë duke ju thënë që ose ke të dhënat gabim ose prit përgjigjen e One se nuk është në dorën tonë, madje ka raste që i nxjerr debitor dhe pse ato nuk kanë numër me kontratë por me parapagesë, dmth paguajnë pastaj marrin ofertën. Këtë procedurë e zgjasin diku tek 2 javë që klienti të mërzitet duke u sorollatur dhe ka nevoje për ofertë që të bëj përsëri ofertën te Vodafone. Kurse One mban ‘peng’ numrat me kontratë që i thonë nëse prish kontratën do paguash të gjithë muajt që të kanë mbetur deri në mbarim të kontratës dhe pastaj mund të largohesh.
Vodafone sërish kundër ligjit!
Sikundër e kemi përmendur edhe në shkrimet e mëparshme, fakti që “Vodafone Albania” nuk lejon kalimin e klientit në një kompani tjetër celulare konsiderohet imponim i preferencave të tij dhe kjo gjë është e ndaluar me ligj.
Duke shkelur lirinë e të drejtës për të zgjedhur dhe për të ndërruar operator telefonik sipas përzgjedhjes që klienti dëshiron, “Vodafone” kryen pengesë me paramendim. Vlen të theksohet se kjo procedurë normalisht kërkon vetëm të bësh kërkesën për tu larguar në pikën qendrore të “Vodafone”.
Ndërkohë, për rastin në fjalë, kemi të bëjmë me një procedurë që zgjat disa ditë me radhë.
Edhe në këtë rast, ashtu si në çdo shkelje dhe abuzim tjetër, ndërhyrja e Autoritetit të Konkurrencës është e pashmangshme. AK duhet të luajë rolin e rregullatorit dhe të lehtësojë të gjitha procedurat në të mirë të qytetarëve dhe jo t’i japë liri veprimi kompanive celulare të sillen në kundërshtim me Kushtetutën, duke dëmtuar konsumatorët.
Është pikërisht Neni 7 i Ligjit Nr.9918, datë 19.5.2008 (I ndryshuar) “PËR KOMUNIKIMET ELEKTRONIKE” që e detyron AKEP-in”:
Të nxisë konkurrencën efiçente për sigurimin e rrjeteve dhe të shërbimeve të komunikimeve elektronike, facilitetet shoqëruese dhe shërbimet e tjera:
ç) për të siguruar konkurrencën e lirë dhe efektive në sektorin e komunikimeve elektronike.
Një veprim i tillë padyshim shmang konkurrencën e drejtë në treg. Kjo nuk është thjesht e gabuar në planin moral dhe etik, por bie në kundërshtim të plotë me ligjin Nr.9918, datë 19.5.2008 (I ndryshuar) “PËR KOMUNIKIMET ELEKTRONIKE”. (LEXO KËTU TË PLOTË)
Po ashtu, lidhur me faktin se “Vodafone” po imponon dëshirat e konsumatorëve, këtë e rregullon LIGJI Nr.9902, datë 17.4.2008 PËR MBROJTJEN E KONSUMATORËVE, ku Neni 16 për “Praktikat tregtare agresive” parashikon se:
-
Një praktikë tregtare është agresive kur, duke konsideruar të gjitha tiparet dhe rrethanat e saj, dobëson apo ka mundësi të dobësojë ndjeshëm lirinë e zgjedhjes ose sjelljen e konsumatorit për mallin apo shërbimin, nëpërmjet ushtrimit të dhunës psikike dhe/ose fizike, ose ndikimit të tepruar dhe në këtë mënyrë e shtyn konsumatorin të marrë një vendim, të cilin, në të kundërt, nuk do ta kishte marrë.
-
Për të përcaktuar nëse një praktikë tregtare përdor dhunën psikike dhe/ose fizike, ose ndikimin e tepruar, merren parasysh:
ç) çdo pengesë e vështirë ose e shpërpjesëtuar jokontraktuale, e vendosur nga tregtari, kur një konsumator dëshiron të ushtrojë të drejta sipas kontratës, përfshirë të drejtat e përfundimit të kontratës apo të këmbimit me një mall apo shërbim tjetër ose tregtar tjetër.
