2020 ishte një vit i bekuar për Klea Hutën dhe Elia Zaharian. Të dyja vajzat e njohura u bënë nëna për herë të parë, duke sjellë në jetë të vegjëlit e tyre. Klea lindi një djalë, Krid, ndërsa Elia një vajzë, që mori emrin e stërgjyshes, Geraldine.
Mirëpo do thoni ju çfarë lidhje kanë Klea me Elian? Në fakt, Klea duhet se ka qenë “zana” që ka bekuar Elian me dhuratën më të madhe të jetës dhe këtë ne e morëm vesh vetëm ditën e sotme. Përmes një fotografie, Elia rrëfeu ditën e sotme se para 1 viti Klea ishte shtatzënë dhe i tërhoqi hundën e duket se ky ka qenë realisht si një bekim për Zaharian.
“Përpara 1 viti, kur prisja bebushen dhe ende nuk e dija. Pasi u grimova te @ujvarahajdariofficial për një set fotosh tek mikesha ime @anjezadyrmishi, mbërrij në studio dhe e gjej Anjezën duke fotografuar një vajzë yll të bukur shtatzënë. U takuam, e urova dhe vajza e bukur më tërhoqi pak hundën, sic është zakoni. Zoti do ketë buzëqeshur në atë moment…Kj vajza e bukur shtatzënë ishte @kleahuta”, ka shkruar Elia përkrah fotos.
Tashmë të dyja vajzat po jetojnë momentet më të bukura të jetës si nëna të dy vogëlushëve. Klea nuk na ka njohur ende me Kridin, ndërsa Elia na prezantoi me Gerladinën e vogël gjatë festave të fundvitit në muajin dhjetor.
