Klea Huta dhe Elgit Doda u betuan se nuk do të ndahen javën e kaluar, kur ishin të ftuar në “Jo Vetëm Modë”. Madje ata folën edhe për dasmën, për të cilën Klea tha se do të donte ta bënte në datën kur janë lidhur, 11 tetor.
Sot, e ftuar në “E Diell”, Klea Huta zbuloi edhe marrëdhënien që ka me vjehrrën, mamanë e Elgitit.
E pyetur se cila është kritika që ka për të vjehrra, Klea Huta zbuloi se mamaja e Elgitit dhe mamaja e saj nuk bien dakord në një pikë.
“Vjehrra më thotë që të bëj më shumë emisione kurse mamaja ime i thotë Elgitit që të më bëjë më shumë këngë.”
Pra, mamaja e Kleas ka dëshirë ta shikojë vajzën e saj në muzikë, kurse e vjehrra në televizion.
Sa i takon muzikës, Klea u shpreh se ndjen se ka nevojë të ushtrohet më tepër për zërin, sidoqoftë e shikon si një angazhim shtesë, më tepër për qejf.
Klea zbuloi gjithashtu se bashkë me Elgitin e kanë gati një bashkëpunim, është thjesht çështje kohe sa të publikohet!
