Klea Huta do të rikthehet sërish në ekran pas disa vitesh mungesë me një spektakël të ri. Para disa kohësh moderatorja zbuloi se atë do ta shohim në “Vizion Plus” nën drejtimin e emisionit “Këngë Moj”, dedikuar plotësisht muzikës.
Në të pritet të marrin pjesë emrat më të njohur të muzikës si Rosela Gjylbegu, Soni Malaj, Maya, Manjola Nallbani, Eranda Libohova, Eli fara, Vikena Kamenica, Artjola Toska, Juliana Pasha, Era Rusi, Aurela Gaçe, Kamela Islamaj e shumë të tjerë.
Klea ka treguar se sot ka nisur me provat gjenerale dhe se gjithçka është gati për transmetim mbrëmjen e sotme. Ajo ka publikuar një video të shkurtër, në të cilën shihet në skenë me skenarin në dorë veshur me një kostum sportiv.
Moderatorja ju ka kërkuar mbështetje të gjithë fansave të saj, duke treguar në këtë mënyrë se ndihet e emocionuar për rrugëtimin e ri. Ndërkohë Klea gjatë këtyre muajve ka “punuar” edhe si nënë me kohë të plotë për t’u kujdesur për vogëlushin e saj, Krid.
