Në vitin 2014 ajo u largua drejt Italisë, për të nisur rrugën e karrierës së saj përtej kufijve. Qëllimi kryesor i largimit të Klaudia Pepës ishte që të fitonte spektaklin “Amici”, në kategorinë e kërcimit.
Më 11 nëntor të 2014-s balerina shqiptare u fotografua duke bërë audicione për spektaklin e famshëm italian.
Ishte hapi i parë që ndërmori pas shkëputjes nga trupa e baletit të Albi Nakos, ish-bashkëshortit të saj.
Por pavarësisht se tashmë ka hapur Akademinë e saj të baletit në Milano, nuk ka bërë ndryshimet përkatëse të eksperiencave në faqen e rrjetit profesional, “LinkedIn”.
Ditën e djeshme në një njoftim thuhej se Klaudia Pepa feston 10-vjetorin në trupën e baletit të Albi Nakos dhe në TV Klan.
Ndoshta balerina ka harruar të përditësojë profilin e saj në rrjetin social ose preferon ta quajë veten ende pjesë të asaj trupe.
Burimi: Iconstyle.al
