Balerina shqiptare Klaudia Pepa ka treguar mbrëmë në orët e vona të darkës, sesi duket skena e festivalit “Kënga Magjike”.
Ajo ka publikuar një video në Instagram ku tregon punimet që janë kryer në ditën e tretë, ndërsa shprehet mjaft e emocionuar për festivalin. Skena shihet më e madhe se kurrë më parë, ndërsa një pjesë e saj vjen shumë pranë publikut.
“Jam shumë e emocionuar”, shkruan Klaudia, e cila do të vijë këtë vit në skenën e “Këngës Magjike”, me një trupë gjigante prej 12 balerinësh nga Italia, që do të dhurojnë spektakël për 20-vjetorin e festivalit.
Ajo ka treguar pas ditë më parë se kjo eksperiencë do të jetë mjaft e veçantë për karrierën e saj në televizion:
“Përshëndetje miq. Si ju duket lajmi i festivalit “Kënga Magjike”? Kënga Magjike ka qenë gjithmonë një pjesë e bukur e jetës sime, kam marrë pjesë shpesh si balerinë dhe ëndërroja që një ditë të isha prezantuese dhe balerinë në të njëjtën kohe dhe ja…Faleminderit stafit dhe Ardit Gjebreas. Faleminderit familjes sime që beson gjithmonë tek unë! E lumtur që do jem afër jush. Mezi pres”, shkruante Klaudia.
