Një nga historitë e dashurisë më të përfolura në showbiz-in shqiptar është ajo e Albi Nakos dhe Klaudia Pepës. Edhe pse prej më shumë se një viti kanë konfirmuar ndarjen ata kanë treguar se vazhdojnë të ruajnë marrëdhënie miqësore me njëri – tjetrin.
E kthyer në Shqipëri për prezantimin e “Kënga Magjike” krah Ardit Gjebreas dhe Bora Zemanit, balerina e famshme ka rrëfyer edhe ritakimin me ish – bashkëshortin e saj.
E pyetur nga “Thumb” nëse janë takuar me Albin dhe si kanë reaguar Klaudia tha: “Para ca ditësh ai ishte me grupin e baletit dhe me Albën. Erdhën të gjithë të më takonin. Erdhi edhe Albi, edhe Alba dhe u treguan shumë të mirë e të dashur. Edhe unë gjithashtu i putha e i përqafova”.
Kujtojmë se koreografi Albi Nako dhe balerina Alba Hoxha prej disa muajsh po përfliten për një lidhje dashurie. Megjithatë dyshja nuk e kanë konfirmuar kurrë publikisht.
