Blendi Fevziu ka refuzuar ofertën tunduese të Drejtorit të Përgjithshëm të “Top Channel” Ben Blushi dhe ka vendosur që “Opinion”, të vijojë të jetë pjesë e familjes së televizionit “Klan”.
“Blendi Fevziu ka shuar çdo dyshim dhe konfirmohet se do të qëndrojë në Televizionin Klan minimalisht edhe për 5 vitet e ardhshme” – shkruhet në faqen zyrtare të televizionit “Klan”.
Prej më shumë se dy javësh, Blendi Fevziu konfirmoi lajmin se kishte marrë një ofertë nga “Top Channel” dhe theksoi se do i duhet pak kohë të marrë një vendim përfundimtar. Por duket se nuk ka më dyshime, “Opinion” qëndron në “Klan”. Në më shumë se 20 vjet, në Opinion janë zhvilluar rreth 2.600 emisione, me mbi 9.600 të ftuar.
