Ish-deputetja e LSI-së, Klajda Gjosha mbrëmjen e sotme ishte e ftuar në emisionin “Provokacija” prej ku zbuloi publikisht gjininë e foshnjës që pritet të sjellë në jetë.
Gjatë intervistës me moderatorin e emisionit në fjalë, Mustafa Nanon, Klajda pohoi se do bëhet së shpejti nënë e një vogëlushjeje:
“Njeriu duhet të dijë të ndajë momente të jetës private me këtë lumturi që unë po përjetoj së bashku me familjen time, për të pritur së shpejti një vajzë dhe pjesën tjetër që është ajo e profesionit. Unë jam pjesë e një profesioni që është shumë agresiv, shpeshherë. Megjithatë e gjithë kjo situatë do të sjellë një dritë jeshile në fund të tunelit.”
Rikujtojmë se ish-deputetja e LSI-së ka një djalë i cili quhet Luis. /newsbomb.al
