“Unë e nisi ditën me të ajo me Nutella…” Të gjithë u fiksuam disa vite më parë pas këtij vargu të Ghetto Geasyt në këngën “Ajo” që reperi solli në bashkëpunim me Majk.
Shumë pak mund ta dinin asokohe se ky varg i dedikohej partneres së tij Marina Vjollca. Kjo e fundit na ka treguar fiksimin e saj për Nutella, e sigurisht nuk ka ngurruar të pranojë se ky varg është bërë fiks për të.
Duke u kapur pikërisht nga kjo karakteristikë dalluese e moderatores, Visjan Ukcenaj na ka shkrirë të gjithëve gazit mbrëmjen e djeshme duke imituar Marinën.
Teksa ishte i ftuar në “Shiko kush luan”, atij iu kërkuar të imitonte bukuroshen bjonde, me të cilën punon prej disa kohësh në “Klanifornia”. Visjani zgjodhi të imitonte Marinën teksa ishte në shtëpi e shtronin tavolinën bashkë me bashkëshortin e saj.
“Ua Geti ku e kan Nutellën?”- ishte kjo fraza e aktorit që shkaktoi shumë të qeshura në studio.
Nga ana tjetër edhe Rezarti zgjodhi që të imitonte Luanën në një moment nga loja “O pas o plas”, në të cilën si gjithnjë Luana në pyetjet e vështira zgjedh të “spiunojë” duke zbuluar që tregon përherë përgjigjet pasi të ftuarit ia kërkojnë gjithmonë në “backstage” ndihmën.
