Një shqiptare është kthyer në personazhin më antipatik të kohës në Gjermani. Të shtunën e kaluar ajo konkurroi në emisionin gjerman “Das Super Talent” por rezultoi një skandal i vërtetë dhe nuk mori pikë nga juria.
Alkeda Paskali duke u munduar të shfaqet si komediane ka fyer të gjithë shqiptarët dhe për më tepër është shprehur me shprehje raciste, duke “fituar” urrejtjen e jurisë dhe të publikut gjerman.
Gruaja 48-vjeçare e cila sipas mediave gjermane është e lindur në Shqipëri dhe jeton në Ludëigsburg, në stand up-in e saj thotë se është nga Shqipëria dhe se shqiptarët njihen si njerëz të drogës dhe prostitucionit.
“Sigurisht, ka edhe shqiptarë që nuk janë shitës të drogës, por vetëm janë në shërbim të tyre”, ka shtuar ajo.
Ndonëse juria nuk ia dha asnjë pikë, ajo uli imazhin e shqiptarëve kudo në Evropë. Pas kësaj paraqitje skandaloze, shqiptarët në forume të ndryshme kanë kritikuar kandidaten shqiptare, por edhe televizionin gjerman RTL.
“Ajo thotë se shqiptarët njihen si shitës të drogës dhe shfrytëzues të prostitucionit… Qeveria shqiptare duhet të reagojë dhe ta padisë TV RTL për fyerje të një populli. Kjo në një vend normal ku redaktori bën punën si duhet nuk kishte për t’u emituar”, thotë një komentues në “Facebook”, emër i njohur për redaksinë.
