Një foto e deputetit republikan Paul Ryan, së bashku me një grup stazhierësh që po bëjnë praktikën në Kongresin Amerikan, ka nxitur shumë debat në rrjetet sociale dhe jo vetëm.
Fotoja është postuar në “Instagram” me tekstin: “Besoj që me këtë foto vendosim një rekord për numrin më të madh të stazhierëve në Capitol Hill brenda një selfie”.
Por menjëherë pas publikimit të fotos, shumë persona kanë vënë re një detaj: në foto nuk ka asnjë stazhier me ngjyrë, ose afro-amerikan.
Fotoja është shpërndarë me mijëra herë por nuk ka pasur suksesin që deputeti priste, pikërisht për këtë detaj që nuk duhej harruar kurrsesi.
